القصة الكاملة لمشكلة عفاف شعيب مع هذه الملابس المصرية وما كشفته صادم

ردت الفنانة عفاف شعيب على كل من انتقدوها بسبب تصريحها الأخير في أحد البرامج التلفزيونية بشأن شراء ملابسها من ألمانيا بدلا من مصر لأسباب مختلفة.

لديك 2 خبر جديد:

لديك 1 خبر هام :

و قالت عفاف شعيب في مداخلة هاتفية لها ببرنامج “حضرة المواطن” مع الإعلامي سيد علي من خلال شاشة تلفزيون قناة “الحدث”: “ناس فاضية ورايقة معندهمش ضمير ومتنمرين وقاعدين لنا على الواحدة ودا كلام مش لطيف وبعدين أنا بتكلم بصدق شديد جدا مبعرفش ألف وأدور أو أكذب.. أنا بقول بما يرضي الله”.

وأضافت : “ليه متكلمتوش على واحدة بتقول أن فستانها بمليون جنيه وأتكلمتوا عليا لما قولت أني بجيب لبس ألماني، وأنا مش بلاقي البدل اللي أنا عايزاها إلا في اللبس الألماني”.

وتابعت: “وجربت أشتري حاجات من المصري ويومين ولاقيت الكتف أو السوستة اتقطعوا وبلاقي حاجات غريبة، اللبس اللي عندنا في مصر للأسف الشديد كان فيه فترة بشتري من مصر ولبس هايل وحلو جدا، لكن دلوقتي لا، دا أنا نزلت مول العرب أنا وأخويا وولاده عشان نشتري لبس صيفي لقينا كل المحطوط شتوي”.

وأختتمت: “المقاسات في ألمانيا بتبقى مظبوطة من أول مرة قياس لكن المصري بفضل أقلب الدنيا كلها وألف كل محلات مصر ملاقيش الحاجة المناسبة بالنسبالي”.