“بأمارة إيه هحن عليك”.. بالفيديو: الفنانة بوسي ترد على والدها: كفاية سيبتك تعيش في شقة أمي وخليتها زريبة !!

ردت المطربة المصرية بوسي، على تصريحات والدها، بعد اتهامه لها بأنها لم تسأل عنه منذ 5 سنوات ورمته بالشارع ولم تساعده ماديًا رغم أنه يعاني من المرض والحاجة.

عمري ما حسيت أنه أب

لديك 2 خبر جديد:

لديك 1 خبر هام :

وقالت بوسي في مداخلة هاتفية لتلفزيون اليوم السابع: “أبويا مش موجود في حياتي من ساعة ما اتولدت وأمي هي اللي ربتني وكنت بقول لخالي بابا وكان راميني من وأنا في بطن أمي، حتى بعد ما أمي ماتت المفروض الأب بيقرب لولاده بعد ما اللي كانت معاهم راحت، هو كان بيجي ياخد فلوس بس، وعمري ما حسيت أنه أب كنت بحس كده من ناس تانية”.

لو تعرف معنى الأبوة عمرك ما هتشهر بيا

وأضافت:”لكن الناس هرشت الليلة، وفي ناس بتزوقه عشان يشهر بيا، لو أب حقيقي وتعرف معنى الأبوة عمرك ما هتشهر بابنك أو بنتك مهما كانوا قاسين عليك، وفي ناس بتبعت له فلوس وبتبعت له الصحفيين لحد عنده عشان يسيئوا ليا ويشهروا بيا”.

عاوزني بأمارة إيه أكون حنينة عليك

وتابعت: “مش بتعامل كده من فراغ عاوزني بأمارة إيه أكون حنينة عليك؟ لو مش بسأل فيك ما كنتش هسيبك في شقة أمي اللي خليتها زريبة، والبني آدم النضيف نضيف في كل حاجة، كان عايش في شقة تانية وسيبته يعيش في شقة أمي اللي اتطلقت منه ولو كانت عايشة ماكنتش سابته عاش فيها”.

لو أنا وحشة كنت سيبتك تقعد في الشارع

وأضافت:” لو أنا ست وحشة كنت سيبتك تقعد في الشارع، وأنت عندك ولاد تاني مفيش غيري اللي عاوزني اسأل حتى هما عمرك ما كنت أب ليهم أخواتي جوزا نفسهم بنفسهم، ودلوقتي افتكرت أن ليك بنت لما اتشهرت وبقى معايا فلوس وربنا كرمني”.