تحدثت الفنانة جيهان قمري عن كواليس عملها مع النجم عادل إمام في فيلم "عمارة يعقوبيان".
اقرأ أيضاً
وقالت جيهان قمري في لقائها ببرنامج "نص الكلام" من تقديم راغدة شلهوب: متصدمتش بس كنت حاسه أني بحلم، مكنتش في حاجة، هو كان بيهرج وكانت الحكاية بسيطة وكانت تجربة رائعة.
اقرأ أيضاً
وتابعت: لم أتنازل علشان أمثل مع عادل إمام، ولما الناس بتقولي أتباستي، هو معملش حاجة غلط باسني من خدي، أنا قريت السيناريو ومكنش فيه حاجة وهو اللي اختارني، هي تجربة مميزة ونقلتني لمرحلة تانية.
وأكملت: قبل التصوير كنا في رمضان وفطرنا عند أستاذ عادل إمام وكان بيفكني لأني كنت متوترة أنا قدام الزعيم ومشاهدي بس معاه، وفي الأول خوفوني منه كتير لكن بالعكس في موقع التصور بيبقى بيهزر.
وفيلم "عمارة يعقوبيان" أنتج عام 2006 ومن بطولة عادل إمام ونور الشريف وهند صبري وخالد الصاوي وخالد صالح ويسرا وأحمد راتب وأحمد بدير، سيناريو وحوار وحيد حامد وإخراج مروان حامد.
يذكر أن آخر أعمال جيهان قمري مشاركتها في مسلسل "البيت الكبير"مع مجدي كامل وسوسن بدر وأحمد بدير، ولوسي ولقاء سويدان، وشريف باهر، وداليا مصطفى، ودنيا المصري، وريم بوشناق وغيرهم، وهو من إنتاج ممدوح شاهين، ومن تأليف أحمد صبحي، وإخراج محمد النقلي.
