شيرين عبد الوهاب تكشف لأول مرة ما فعله بها حسام حبيب وأجبرها على أن تحلق شعرها

كشفت الفنانة شيرين عبد الوهاب عن تفاصيل الأزمة التي حدثت وبسببها قامت بحلق شعرها في مداخلة هاتفية مع الإعلامية لميس الحديدي.

قائلة: "رجعنا لبعض بشروط متنفذتش، ورجعوا بناتي يشوفوا الخناقات لتدخله في كل شيء، إنسان معندوش شغل وفاضي تماما للإنسان اللي قدامه، كرهني في بناتي".

وأضافت : "قالوا إن حسام كتف شيرين وحلق لها شعرها، فعملت مداخلة مع عمرو أديب وقلت في آخر المداخلة إني لسه بحبه عشان أرحمه من اللي هيشوفه من الناس، الناس فاكرة إنه هو اللي حلقلي شعري، وهو فعلا حلقلي شعري لما وصلني إني أعمل كده".

وتابعت: "كنا في فندق شهير وكانت فضيحة، كنت زعلانة منه وقاعدة في الفندق عشان أبعد عنه، جالي واتخانقنا وجاتلي حالة لو سمحت امشي، وهو لأ انزلي معايا للمأذون دلوقتي".

وواصلت: "قلت له يعني أنا أبقى شيرين عبد الوهاب ونازلة في أوتيل، ومجرورة بقميص نومي عشان أطلق! ما تروح يا عين أمك جيب المأذون، أو تبقى راجل وتقف تطلقني وتمشي، فضل يستفزني لحد ما مسكت شعري وحلقته بالمكنة".